რეინტეგრაციის საკითხებში სახელმწიფო მინისტრი ეკა ტყეშელაშვილი ახალ რანგში მთავრობის სხდომას დღეს პირველად დაესწრო.
სხდომის დაწყებისას პრემიერმა ნიკა გილაურმა მის მიერ წინამორბედ თანამდებობეზე მუშაობა დადებითად შეაფასა, ახალ პოსტზე კი წარმატებები უსურვა.
"ეკამ საკმაოდ რთული სამუშაო შეასრულა გასული წლების განმავლობაში. ბევრ რთულ პოსტზე იმუშავა და ასე ვთქვათ, ახლაც რთული სკამი - რთული სამინისტრო ჩაიბარა", - განმარტა გილაურმა.
მისივე შეფასებით, რეინტეგრაციის საკითხებში ყოფილმა სახელმწიფო მინისტრმა თემურ იაკობაშვილმა "საკმაოდ კარგი სამუშაოები გასწია", _ თუმცა "კიდევ ბევრი რამ არის გასაკეთებელი".
შეგახსენებთ, რომ ეკა ტყეშელაშვილი, რომელსაც აქამდე უშიშროების საბჭოს მდივნის თანამდებობა ეკავა, რეინტეგრაციის საკითხებში სახელმწიფო მინისტრად დაახლოებით სამი კვირის წინ დაინიშნა.
