ახალგორის რაიონის მოსახლეობისთვის კერძო საკუთრების ჩამორთმევის ინიციატივა რუსეთის ფედერაციისგან მოდის და არა მისი სატელიტი მარიონეტული რეჟიმებისგან. ამის შესახებ "ჯი-ეიჩ-ენს" საგრეო ურთიერთობათა კომიტეტის თავმჯდომარემ აკაკი მინაშვილმა ოსი სეპარატისტების ლიდერის მიერ გამოცემული დადგენილების შეფასებისას განუცხადა.
"იმედი მაქვს რუსეთი გონს მოვა და ჩვენი კონსტრუქციული შეთავაზებაზე შესაბამისი პასუხი ექნება და არ გაგრძელებს არაკონსტრუქციულ მოქმედებებს. ახალგორის რაიონში არსებული ვითარება კი რუსული ინიციატივაა და არა სატელიტი მარიონეტების გადაწყევტილება", - აღნიშნა "ჯი-ეიჩ-ენთან" საუბარში მინაშვილმა.
მისივე თქმით, ედუარდ კოკოითი არ წარმოადგენს ისეთ ფიგურას, რომ მასზე სერიოზული კომენტარი გაკეთდეს, რაც შეეხება მის მიერ გამოცემულ ქაღალდს არის ფარატინა ქაღალდი, რომლიც გარკვეულ პერიოდში ფაქტობრივ ძალასაც დაკარგავს.
"საქართველოს ხელისუფლება დიპლომატიურ სამსახურებთან აქტიურად მუშაობს, რომ დავიცვათ ოკუპირებულ ტერიტორიებზე მცხოვრები ჩვენი მოსახლება", - აღნიშნა "ჯი-ეიჩ-ენთან" საუბრისას მინაშვილმა.
შეგახსენებთ, რომ ცხინვალის სეპარატისტული რეჟიმის ლიდერის ედუარდ კოკოითის მიერ გამოცემული დადგენილების მიხდევით, ახალგორის რაიონში მცხოვრები მოსახლეობის კერძო საკუთრება სახელმწიფო საკუთრებად გამოცხადდა. ასევე სეპარატისტები გეგმავენ 90-იან წლებში რაიონიდან "გაყრილი" ოსი მოსახლეობების საკუთრებაზე უფლებების აღდგენას.
