შემოსავლების სამსახურის ახალი კუსი წარმოადგენს სამი კომპონენტის სინთეზს, რაც კერძო სექტორისა და შემოსავლების სამსახურს შორის ურთიერთობას მაქსიმალურად გაამარტივებს. ფინანსთა-მინისტრის კახა ბაინდურაშვილის განმარტებით, იყო პროცედურები რომელიც დახვეწას საჭიროებდა, რათა ბიზნესს თავისი საქმიანობის განხორციელება და ოპერირება მარტივად განეხორციელებინა.
"პრობლემები და პროცედურების დახვეწა საჭირო იყო საბაჟო უწყებებშიც. მნიშვნელოვანია რომ 1 იანვრიდან ახალ საგადასახადო კოდექსი და შესაბამისად ახალი ნორმები ამოქმედდება, რაც წინა საგადასახადო კოდექსში ხისტად იყო წარმოდგენილი, რაც გამომდინარეობდა ძველი კორუფციული ურთიერთობებიდან, რაც მანამდე არსებობდა. დღეს კი გადავდივართ იმ ეტაპზე რომ საგადასახადო კულტურა მაღლდება", - განაცხადა კახა ბაინდურაშვილმა.
მინისტრის თქმით, გასულ წელს შემოწმებული საწარმოების 60 პროცენტი გარკვეულ დარღვევბისათვის ჯარიმდებოდა. წელს კი ეს დაჯარიმებები 10 პროცენტამდეა დასული, რაც ევროპულ საშუალოსთან არის მიახლოვებული. ახალი კურსი ითვალისწინებს ასევე საბაჟო განაკვეთების დაწევას. თუ დღემდე ერთი სახის პროდუქციის განბაჟება საშუალოდ 450 ლარი ჯდებოდა, ამიერიდან ეს გადასახადი 200 ლარამდე მცირდება.
