ბიძინა ივანიშვილი წერილში თავადვე მიუთითებს,რომ მზად არის ქვეყნის ბედით ივაჭროს, რათა მისი ქონება გადაარჩინოს, - ამის შესახებ „ევროპული საქართველოს“ წევრმა ლაშა დამენიამ განაცხადა.
„ივანიშვილის წერილი ფაქტობრივად არის იმ კამპანიის გაგრძელება, რასაც თვეებია ჩვენ უკვე თვალყურს ვადევნებთ. ის წერილში მიუთითებს თავადვე, რომ მზად არის ქვეყნის ბედით ივაჭროს, რათა მისი ქონება გადაარჩინოს“ - ასე აფასებს „ევროპული საქართველოს“ წევრი, ლაშა დამენია ბიძინა ივანიშვილის მიერ გამოქვეყნებულ წერილს
„ასევე თავადვე აღნიშნავს, რომ ეს დავა განპირობებულია მისი პოლიტიკური გადაწყვეტილებებიდან გამომდინარე, ანუ ეს ნათელი დასტურია იმის, რომ ის მზად არის ყველაფერი გააკეთოს იმისთვის, რომ საკუთარი ფული გადაარჩინოს და ადარდებს ქვეყნის ბედი“ - განაცხადა ლაშა დამენიამ.
საერთაშორისო პრესამ გამოაქვეყნა საქართველოს ყოფილი პრემიერ-მინისტრის ბიძინა ივანიშვილის წარმომადგენლების წერილი, რომელშიც ივანიშვილი Credit Suisse-თან სამართლებრივ დავაში პოლიტიკურ ზეწოლას ადასტურებს.
ყოფილი პრემიერი ამტკიცებს, რომ ბანკი ქმნიდა მოლაპარაკების ილუზიას და ბანკის ხელმძღვანელობა, სავარაუდოდ, განაგრძობდა პოლიტიკური ზეწოლის კამპანიას ყოფილი კლიენტის წინააღმდეგ.
