ახალი სავაჭრო ცენტრი "ნუგეში" დეკემბრიდან თბილისის ყველა უბანში ახალი სავაჭრო ობიექტების გახსნას გეგმავს. პრესკონფერენცია ამ თემასთან დაკავშირებით, 7 დეკემბერს, 15:00 საათზე, სასტუმრო "რადისონში" გაიმართება.
"ნუგეშის" სავაჭრო ობიექტებში 100-ზე მეტი დასახელების უმაღლესი ხარისხის კვების პროდუქტი და პირველადი მოხმარების საქონელი გაიყიდება.
საწყის ეტაპზე, ქ. თბილისში, გაიხსნება თანამედროვე ტიპის 80სავაჭრო ობიექტი, რომელიც აღჭურვილი იქნება უახლესი, ერთიან მონაცემთა ბაზაში ჩართული კომპიუტიზირებული ელექტრონული სალარო აპარატით, შტრიხკოდის წამკითხავით, ელექტრო სასწორით და თერმული პრინტერით.
"ნუგეშის" მომსახურებით სარგებლობა შეეძლებათ პენსიონერებს, დევნილებს, მრავალშვილიან ოჯახებს და იმ სოციალურად დაუცველ პირებს, რომლებიც სახელმწიფო დახმარების პროგრამაში არიან ჩართულები.
"ნუგეშის" სავაჭრო ქსელში არ მოხდება ფასების დამრგვალება, მაგ. თუ პურის ღირებულებაა 47 თეთრი, მომხმარებელი მასში გადაიხდის 47 თეთრს, და არა 50-55, რაც მხოლოდ ამ შემთხვევაში დამატებით, 6-15 %-იან დანაზოგს გულისხმობს.
სავაჭრო ქსელში გადახდა " Liberty Bank" სოციალური ბარათებით მოხდება.
"ნუგეშის" ობიექტებში, გაიყიდება, როგორც ადგილობრივი წამყვანი მწარმოებლების: _ კოლხი, ბარამბო, ეკო ფუდი, მინისა და მინერალური წყლების კომპანია და სხვები _ პროდუქტები, ისევე იმპორტირებული პროდუქცია, რომლებზედაც საქართველოში მოთხოვნა განსაკუთრებით მაღალია.
ნუგეშის სავაჭრო ქსელში, პირველ ეტაპზე დასაქმდება 200-მდე თანამშრომელი, რომელთა გარკვეული ნაწილი, თბილისის მერიის დასაქმების პროგრამიდან იქნებიან შერჩეული.