"ქრისტიან-დემოკრატები" 2011 წლის სახელმწიფო ბიუჯეტს მიღებას მხარს ჯანდაცვის, განათლებისა და სოფლის მეურნეობის სფეროების დაფინანსების შემცირების გამო არ დაუჭერენ. ამის შესახებ საპარლამენტო უმცირესობის ლიდერმა გიორგი თარგამაძემ დღეს ბრიფინგზე განაცხადა.
"2011 წლის ბიუჯეტის პროექტის მიხედვით სოფლის მეურნეობის დაფინანსების წილის შიდა პროდუქტზე 0.3% არ აღემატება
როცა ქვეყანაში პრეზიდენტი სააკაშვილი, მისი მთავრობა, საპარლამენტო უმრავლესობა აქტიურად საუბრობენ სოფლად მოსახლეობის დასაქმების პერსპექტივაზე, მათ ხელშეწყობაზე, ინვესტიციების მოზიდვაზე", - აღნიშნა თარგამაძემ.
მისივე შეფასებით, სოფლის მეურნეობის დარგის განვითარება ქვეყნის უსაფრთხოებაზეა მიბმული, რადგან დღეისთვის საქართველოში შემოტანილი პროდუქციის 80% რამდენად ვარგისია და რამდენად უქნის მოსახლეობის ჯანმრთელობას საშიშროება არავინ იცის, რადგან ელემენტარულად იმპორტირებული პროდუქციის შემოწმებაც კი არ ხდება.
"როდესაც ჩვენი ოპონენტები იტყვიან, რომ სოფლის მეურნეობაში ფული ბიზნესმა და საფინანსო ინსტიტუტებმა უნდა ჩადოს, მე მათ შევახსენებ, რომ ბანკების მიერ სოფლის მეურნეობის დაფინანსება 2.5% არ აღემატება, რადგან მათ იციან რომ ეს არის ყველაზე რისკის მქონე და გრძელვადიანი ინვესტიცია, რის გამოც თავს იკავებენ. ამის გათვალისწინებით, ჩვენ ვფიქრობთ, რომ სახელმწიფომ სოფლის მეურნეობის დარგის განვითარებაზე პასუხისმგებლობა საკუთარ თავზე უნდა აიღოს", - აღნიშნა თარგამაძემ.