"ელექტრონული კომუნიკაციის შესახებ" კანონში ცვლილებები შედის, რომელიც ფინასური სანქციების შემცირებას ითვალისწინებს, _ ამის შესახებ ჟურნალისტებს კომუნიკაციების მარეგულირებელი ეროვნული კომისიის, იურიდიული დეპარტამენტის ხელმძღვანელმა კახი ყურაშვილმა განუცხადა.
"ელექტრონული კომუნიკაციების შესახებ" კანონში ცვლილების შეტანასთან დაკავშირებით, დღეს, იურიდიული კომისიის წევრებს ჩვენი წინადადების გავაცანით, რომელიც კონკურენციის გამძაფრებასა და ანტიმონოპოლიური საქმიანობის გაძლიერებას გულისხმობს. მცირე მეწარმეებს ფინანსური სანქციები შეუმცირდეთ, რადგან არსებული კანონმდებლობით სანქციები საკმაოდ მაღალია და ის 10 ათას ლარზე ნაკლები არ შეიძლება იყოს. ახალი ინიციატივის თანახმად სანქციები 3 000 ათას ლარამდე მცირდება", - აღნიშნა ყურაშვილმა.
მისივე თქმით, მნიშვნელოვანია საბაზრო სუბიექტების სტატუსის და მათთვის დამატებითი რეგულაციების დადგენა, რომელიც ხელს შეუწყობს ბაზარზე კონკურენციას. ახალი ინიციატივა ეხება ასევე ამოწურვად რესურსებს, კერძოდ კი ელექტრონული-საკომუნიკაციო რადიო სიხშირეების უფრო ეფექტურ გამოყენებას.
"ამ კუთხით წინადადება გქვს, რომ სიხშირეები რომელიც გაიცემა იყოს პრაქტიკულ საქმიანობაში გამოყენებული და არ იყოს თაროზე შემოდებული. დღეს მოქმედი კანონმდებლობის შესაბამისად რადიო სიხშირეების განაწილება უზრუნველყოფილია, მაგრამ იმავდროულად ამ სიხშირეების პრაქტიკული გამოყენება მოხდეს საჭიროებს საკანონმდებლო დამატებების შეტანას", - აღნიშნა მან.
ყურაშვილის ინფორმაციით, აღნიშნული ცვლილების ინიცირება პარლამენტი უახლეს მომავალში მოხდება.
