გარემოს დაცვისა და სოფლის მეურნეობის სამინისტროსა და „შორ მანძილზე ჰაერის ტრანსსასაზღვრო დაბინძურების შესახებ კონვენციის“ (ჰაერის კონვენციის) სამდივნოს თანამშრომლობით სუფთა ჰაერის შესახებ ეროვნული დონის დიალოგი გაიმართა, რომელიც სამინისტროს გარემოსა და კლიმატის ცვლილების დეპარტამენტის ხელმძღვანელმა, ნინო თხილავამ გახსნა.
ღონისძიებას ჰაერის ხარისხის მართვასთან დაკავშირებული სამთავრობო, არასამთავრობო და დონორი ორგანიზაციების წარმომადგენლები ესწრებოდნენ, რომლის მიზანს მხარეებს შორის ჰაერის ხარისხის გაუმჯობესების თემაზე დიალოგის გამართვა და კონვენციის ბოლო სამ ოქმთან მიერთების საკითხების განხილვა წარმოადგენდა.
საქართველო ჰაერის კონვენციას 1999 წლიდან შეუერთდა, რის შედეგადაც ქვეყანას ატმოსფერული ჰაერის დაცვის მიზნით აღებული აქვს ვალდებულებები. ასევე, გაეროს ევროპის ეკონომიკური კომისიისა (UNECE) და სამინისტროს მჭიდრო თანამშრომლობით შემუშავდა ჰაერის მართვის სამოქმედო გეგმა. საქართველო აქტიურად არის ჩართული კონვენციის საქმიანობაში, მათ შორის, გაფრქვევების ინვენტარიზაციის ხარისხის გაუმჯობესების და ატმოსფერული ჰაერის მონიტორინგის მიმართულებით.
აღნიშნული კონვენცია უზრუნველყოფს ჰაერის დაბინძურების შემცირების პოლიტიკას და შედგება რვა ძირითადი ოქმისაგან, რომელთა დებულებები ინტეგრირებულია ევროკავშირის კანონმდებლობასთან. მათი შესრულება ხელს შეუწყობს ქვეყანას ასოცირების ხელშეკრულებით აღებული ვალდებულებების შესრულებაში და მდგრადი მიზნების მიღწევაში.
შეხვერაზე მხარეებმა განიხილეს ისეთი საკითხები, როგორიცაა ჰაერის კონვენციის ძირითად ოქმებთან რატიფიკაციის ეროვნული სამოქმედიო გეგმის განხორციელება, ქვეყნის მასშტაბით არსებული ჰაერის ხარისხის მდგომარეობის და მონიტორინგის სისტემის, ატმოსფერული ჰაერის დაცვის კუთხით არსებული პროგრესი და ამ მიმართულებით გადადგმული ნაბიჯები.
დიალოგი, ასევე დაეთმო სუფთა ჰაერის მისაღწევად ეროვნულ დონეზე ყველაზე ეფექტიანი პოლიტიკის ალტერნატივების განხილვას, ჰაერის ხარისხის კუთხით არსებულ გამოწვევებს, სიახლეებს და პროგრესს, რაც ქვეყანაში სუფთა ჰაერის უზრუნველყოფისთვის ბოლო პერიოდში განხორციელდა.
