ოთხი ობიეტის შემდეგ "საწარმოთა მართვის სააგენტო" ენერგეტიკის სამინისტროს კიდევ ორ ობიექტს გადასცემს.
მთავრობის განკარგულებით, უკვე გადაცემული ობიექტის გარდა, ვერა ქობალიას უწყება ალექსანდრე ხეთაგურის უწყებას "ენგურჰესის" სახელმწიფო საკუთრებაში არსებული 100% წილსა და სს „თელასის" სახელმწიფო საკუთრებაში არსებული აქციების 24,529% (19904783 ცალი ჩვეულებრივი აქცია) გადასცემს.
შეგახსენებთ, რომ ერთი თვის წინ საქართველოს მთავრობის მიერ მიღებული გადაწყვეტილებით, "საქართველოს ნავთობისა და გაზის კორპორაციის", "საქართველოს სახელმწიფო ელექტროსისტემის", "ელექტროენერგეტიკული სისტემის კომერციული ოპერატორის"
სახელმწიფო საკუთრებაში არსებული 100% წილისა და გაერთიანებული ენერგეტიკული სისტემა "საქრუსენერგოს" სახელმწიფო საკუთრებაში არსებული 50% აქციებს "საწარმოთა მართვის სააგენტოს" ნაცვლად უშუალოდ ენერგეტიკის სამინისტრო განკარგავს.
შესაბამისი გადაწყვეტილება საქართველოს მთავრობამ უკვე მიიღო და აღნიშნული "სახელმწიფო ქონების შესახებ" საქართველოს კანონისა და სხვა ნორმატიული აქტების საფუძველზე განხორციელდა.