საქართველოს საპატრიარქოში ოკუპირებულ აფხაზეთში ილორის წმინდა გიორგის სახელობის ეკლესიის ხელყოფისა და მისი გადაკეთების გამო სპეციალური წერილი მზადდება, რომელიც რუსეთის ფედერაციის საპატრიარქოს გადაეგზავნება.
წერილში ქართული მხარე, მომხდართან დაკავშირებით, ახსნა-განმარტებას მოითხოვს.
"ეს არის სამწუხარო, დამაფიქრებელი ფაქტი, რომელიც ეწინააღმდეგება საეკლესიო კანონებს", - აცხადებენ საქართველოს საპატრიარქოში.
ოკუპირებულ ტერიტორიებზე კულტურული და ისტორიული ძეგლების ხელყოფის შეჩერებას საქართველოს ხელისუფლება სიძველეთა დაცვის ორგანიზაციებსაც სთხოვს. კულტურის სამინისტრომ საგანგებო განცხადება იუნესკო-სა და დიპლომატიურ წარმომადგენლობებში უკვე გაგზავნა.
მე-11 საუკუნის ტაძარზე, ქართული კვალის წასაშლელად, რუსული ეკლესიებისთვის დამახასიათებელი გუმბათი დააშენეს, აღმოსავლეთის ფასადზე კი ქართული წარწერები გადაღებეს.
ილორის წმინდა გიორგის სახელობის უძველესი ტაძარი საუკუნეების განმავლობაში დასავლეთ საქართველოში ქართველთა და აფხაზთა ერთ-ერთი მთავარი სალოცავი იყო.
