მარნეულში 2 ადამიანი საკანალიზაციო ჭაში დაიღუპა. გამოცემა aktual.ge-ს ინფორმაციით, ერთ-ერთი დაღუპული მუშა იყო, რომელიც ერთ-ერთი სახლის ეზოში არსებული კანალიზაციის ჭას ასუფთავებდა.
მუშა ჭიდან ვეღარ ამოდიოდა და მის გადასარჩენად ჭაში სახლის მეპატრონე ჩავიდა, თუმცა, ამოსვლა ვერც მან შეძლო და გონება დაკარგა.
მაშველების მოსვლამდე ისინი საკანალიზაციო ჭაში დაახლოებით ნახევარი საათის განმავლობაში იმყოფებოდნენ.
ისინი ჭიდან უგონო მდგომარეობაში ამოიყვანეს. ორივე მათგანი საავადმყოფოში მიყვანისას გარდაიცვალა.
ორივე გარდაცვლილი შუახნის ასაკისაა.
