დღეს, 2 დეკემბერს, 12:00 საათზე, ტურიზმის საინფორმაციო ცენტრში ტურიზმის ეროვნული სააგენტოს თავმჯდომარე მაია სიდამონიძე ტუროპერატორებს შეხვდება და მესტიაში ზამთრის ტურისტული სეზონის დაწყებასთან დაკავშირებით სიახლეებს გააცნობს. სიდამონიძე ისაუბრებს სააგენტოს ახალ ინიციატივაზე სვანეთის ტურისტული პაკეტების მომზადებასთან დაკავშირებით, როგორც შიდა, ასევე უცხოური ბაზრისთვის.
ტურიზმის სააგენტოს ინფორმაციით, დეკემბრის ბოლოდან ინიშნება ფრენები მესტიაში, რომელიც სახელმწიფოს მხრიდან იქნება სუბსიდირებული გარკვეული პერიოდის განმავლობაში, აღნიშნული მიმართულების განვითარებისთვის.
ფრენებს კანადური ავიაკომპანია Kenn Borek Air-ი განახორციელებს, რომელიც თვითონვე გააკეთებს ფრენების ოპერირებას. აღნიშნულთან დაკავშირებით არსებულ სიახლეებზე საქართველოს გაერთიანებული აეროპორტების დირექტორი ქეთევან ალექსიძე ისაუბრებს. B
