იაპონიის მმართველმა ლიბერალ-დემოკრატიულმა პარტიამ (LDP) პარლამენტის ზედა პალატის არჩევნებში გაიმარჯვა. იუწყება იაპონიის ეროვნული მაუწყებელი NHK.

არჩევნების შედეგად, მმართველი პარტია ზედა პალატაში 63 მანდატს მიიღებს, ხოლო მმართველი კოალიციის შემადგენლობაში  შემავალი კონსერვატიული პარტია New Komeito კიდევ 13 მანდატს. ამდენად, ბლოკი ზედა პალატაში ვაკანტური 125 ადგილიდან 76-ს მიიღებს.

ამავდროულად, "იაპონიის ინოვაციების პარტია", რომელიც ლიბერალ-დემოკრატიული პარტიისა და New Komeito-ს მსგავსად, საკონსტიტუციო ცვლილებებს ემხრობა, ზედა პალატაში 12 მანდატს მიიღებს.

საკონსტიტუციო ცვლილებებთან დაკავშირებით რეფერენდუმის ჩასატარებლად აუცილებელია ორივე პალატაში ხმების 2/3-ის მოპოვება.

მანამდე, მმართველი პარტიის წარმომადგენლები იაპონიის 1947 წლის კონსტიტუციაში ცვლილებების შეტანის ინიციატივით გამოვიდნენ.

იაპონიის პარლამენტის ზედა პალატა 245 წევრისგან შედგება. ზედა პალატაში მანდატების ნახევარი ხელახლა ნაწილდება არჩევნებზე ყოველ 3 წელიწადში ერთხელ. წლევანდელ არჩევნებზე 245 მანდატიდან 125-ის ბედი იყო გადასაწყვეტი იყო.

არჩევნები ყოფილი პრემიერ-მინისტრის შინზო აბეს მკვლელობიდან ორი დღის შემდეგ გაიმართა. იაპონიის პრემიერ-მინისტრმა ფუმიო კიშიდამ სიტუაციას უწოდა "იაპონური დემოკრატიის სასტიკი გამოწვევა".