პუერტო რიკოს სასამართლომ მომღერალ რიკი მარტინის წინააღმდეგ შემაკავებელი ორდერი გამოსცა. იტყობინება Associated Press-ი პუერტო რიკოს პოლიციაზე დაყრდნობით.
გამოცემის ცნობით, შემაკავებელი ორდერის გამოცემის თხოვნით, სასამართლოს მომღერლის ყოფილმა შეყვარებულმა მიმართა. მისი ვინაობა არ მჟღავნდება.
ადგილობრივ გამოცემის El Vocero-ს ცნობით, რიკი მარტინი და მისი ყოფილი პარტნიორი ერთანეთს შვიდი თვის განმავლობაში ხვდებოდნენ. ისინი ერთმანეთს ორი თვის წინ დაშორდნენ.
ყოფილი პარტნიორის განცხადებაში ნათქვამია, რომ რიკი მარტინი არ დათანხმდა დაშორებას და მას შემდეგ, სულ მცირე სამჯერ შენიშნეს მისის სახლის სიახლოვეს.
მოსარჩელე სასამართლოსთვის წარდგენილ განცხადებაში აღნიშნავს, რომ თავისი უსაფრთხოების შესახებ ღელავს.
სასამართლოს მიერ გამოცემული ორდერის თანახმად, რიკი მარტინს ეკრძალება ყოფილ პარტნიორთან მიახლოება და მის პირად ცხოვრებაში ნებისმიერი სახით ჩარევა, ასევე მასთან დარეკვა და ტექსტური შეტყობინებების გაგზავნა.
სასამართლო მოგვიანებით ჩანიშნულ მოსმენაზე გადაწყვეტს, შენარჩუნდეს თუ გაუქმდეს შემაკავებელი ორდერის მოქმედება.
მომღერალ რიკი მარტინის წარმომადგენელი არ გამოხმაურაბია Associated Press-ის თხოვნას კომენტართან დაკავშირებით.