კანადამ ფინეთისა და შვედეთის ნატო-ში გაწევრიანების პროტოკოლის ეროვნულ დონეზე რატიფიცირება მოახდინა. აღნიშნულის თაობაზე კანადის პრემიერ-მინისტრმა ჯასტინ ტრუდომ განაცხადა.
რამდენიმე საათით ადრე, ცნობილი გახდა, რომ პროტოკოლის ეროვნულ დონეზე რატიფიცირება დანიამაც მოახდინა.
"როგორც ახლო მეგობარი და პარტნიორი, კანადა მტკიცედ უჭერს მხარს ფინეთისა და შვედეთის ნატო-ში გაწევრიანებას. მათი ალიანსში გაწევრიანება ნატო-ს უფრო ძლიერს გახდის. მოვუწოდებთ პარტნიორებს, სწრაფად მოახდინონ რატიფიკაცია, რათა შეზღუდონ ჩვენი მტრების ინტერვენციის ფარგლები", - განაცხადა ჯასტინ ტრუდომ.
შეგახსენებთ, რამდენიმე საათის წინ, ბრიუსელში, ჩრდილოატლანტიკური ალიანსის შტაბ-ბინაში წევრი ქვეყნების ელჩებმა და ფინეთისა და შვედეთის საგარეო საქმეთა მინისტრებმა ნატო-ში გაწევრიანების პროტოკოლებს მოაწერეს ხელი.
პროტოკოლების ხელმოწერამ გზა გაუხსნა ამ ორი ქვეყნის უდიდეს სამხედრო ალიანსი გაწევრიანების რატიფიცირების პროცესის დაწყებას.
ფინეთისა და შვედეთის ალიანსში გაწევრიანება საბოლოოდ დასრულდება მას შემდეგ, რაც წევრი ქვეყნების პარლამენტები პროტოკოლების რატიფიცირებას მოახდენენ. ამ პროცესს შესაძლოა ექვსიდან რვა თვემდე დასჭირდეს.
29 ივნისს ნატომ ოფიციალურად მიიწვია შვედეთი და ფინეთი ალიანსში გასაწევრიანებლად.
უკრაინაში რუსეთის მიერ გაჩარებული ომის ფონზე, შვედეთმა და ფინეთმა ნატოში გაწევრიანების განაცხადები ბრიუსელში 18 მაისს წარადგინეს. თავდაპირველად, თურქეთმა განცხადებების განხილვის პროცესი დაბლოკა, თუმცა მოგვიანებით ვეტო მოხსნა.