- მსოფლიო 05 ივლისი 2022, 09:28
ავსტრალიაში წყალდიდობაა - 50 000 ადამიანი ევაკუაციისთვის ემზადება | ფოტოები
გადაუღებელი წვიმის შედეგად, ავსტრალიის ახალი სამხრეთი უელსის შტატს, კერძოდ, ქალაქ სიდნეისა და მის შემოგარენს ძლიერი წყალდიდობა დაატყდა თავს.
ხელისუფლება დაჟინებით მოუწოდებს მოსახლეობას, დაუყოვნებლივ დატოვონ საცხოვრებელი სახლები და დაცულ ადგილებში გადავიდნენ. ევაკუაციის განკარგულება დაახლოებით 50 000 ადამიანს შეეხება.
წელს სიდნეის უკვე მესამედ დაატყდა თავს ძლიერი წყალდიდობა.
წყალდიდობის შედეგად, ათასობით ოჯახი ელექტროენერგიის გარეშეა დარჩენილი, დაზიანებულია გზები, დატბორილია საცხოვრებელი სახლები.
მეტეოროლოგების პროგნოზით, სამშაბათს შესაძლოა წვიმამ იკლოს, თუმცა მოელიან ძლიერ ქარს, რამაც შესაძლოა დააზიანოს ელექტროგადამცემი ხაზები.
წელს უამინდობას ავსტრალიაში სულ 20 ადამიანის სიცოცხლე ემსხვერპლა.
