პოლიციამ დააკავა ჩიკაგოსთან, ჰაილენდ პარკში 4 ივლისის აღლუმზე მომხდარ მასობრივ მკვლელობაში ეჭვმიტანილი.
აღლუმზე მომხდარი სროლის შედეგად, 6 ადამიანი დაიღუპა, 24 კი დაშავდა. როგორც იუწყებიან, თავდამსხმელი შენობის სახურავიდან ისროდა. შემთხვევის ადგილიდან ამოიღეს იარაღიც, კერძოდ შაშხანა.
პოლიციის ინფორმაციით, თავდამსხმელის დაკავება შემთხვევის ადგილის სიახლოვეს, დევნის შედეგად მოხერხდა. დამნაშავე 22 წლის ახალგაზრდა მამაკაცი აღმოჩნდა. ამოღებულია შაშხანა, რომლიდანაც ის აღლუმის მონაწილეებს ესროდა.
თავდასხმის მოტივი ჯერ უცნობი რჩება.