რუსეთის პრეზიდენტმა ვლადიმირ პუტინმა წელს არ მიულოცა ამერიკელებს და მათ პრეზიდენტს ჯო ბაიდენს შეერთებული შტატების დამოუკიდებლობის დღე. ამის შესახებ კრემლის პრესმდივანმა დმიტრი პესკოვმა განაცხადა.
"ეს წელი იყო შეერთებული შტატების არამეგობრული პოლიტიკის კულმინაცია, ამიტომ ნაკლებად სავარაუდოა, რომ ასეთი გზავნილი იყოს მიზანშეწონილი", - თქვა კრემლის რუპორმა.
4 ივლისს შეერთებული შტატები აღნიშნავს მთავარ ეროვნულ დღესასწაულს - დამოუკიდებლობის დღეს, რომელიც ემთხვევა 1776 წელს დიდი ბრიტანეთისგან დამოუკიდებლობის დეკლარაციის მიღებას.
