დღეს, 4 ივლისს შეერთებულ შტატებში დამოუკიდებლობის დღეს აღნიშნავენ.
ამერიკის შეერთებულ შტატები დიდი ბრიტანეთისგან დამოუკიდებლობის 246-ე წელს აღნიშნავს.
"დღეს აღვნიშნავთ შეერთებული შტატების დამოუკიდებლობის დღეს.
"უფრო სრულყოფილი კავშირისკენ" სწრაფვის 246 წელი ნიშნავს, რომ დემოკრატიისთვის საჭირო რთული სამუშაო არასდროს სრულდება და, რომ ქვეყნებმა ყოველთვის უნდა იძიონ თავიანთი დემოკრატიული ინსტიტუტების გაძლიერების გზები.
დაბადების დღეს გილოცავთ, ამერიკა!", - ნათქვამია საქართველოში ამერიკის შეერთებული შტატების საელჩოს განცხადებაში.
1776 წლის 4 ივლისს ფილადელფიაში, ამერიკის მაშინდელ დედაქალაქში, საეკლესიო ზარებით ქვეყანას კონგრესის მიერ ტომას ჯეფერსონის დამოუკიდებლობის დეკლარაციის სამუშაო ვარიანტის დამტკიცება ეუწყა.
ამერიკელები ამ დღეს ტრადიციულად აღლუმებით, კონცერტებით, საზეიმო წვეულებებით, პიკნიკებით და ფოიერვერკებით აღნიშნავენ.
4 ივლისს, ტრადიციულად, ვაშინგტონის ეროვნული არქივის კიბეზე დამოუკიდებლობის დეკლარაციას კითხულობენ. შენობის შიგნით, დოკუმენტის დედანი, კონსტიტუციასთან და კონსტიტუციის პირველ შესწორებასთან ერთად, თვალსაჩინო ადგილზე არის გამოფენილი.
ეროვნული დღესასწაული ფედერალურ უქმე დღედ არის გამოცხადებული.
