რუსეთის თავდაცვის სამინისტრო აცხადებს, რომ უკრაინის შეიარაღებულმა ძალებმა ბელგოროდის საცხოვრებელ უბნებზე "განზრახ" სარაკეტო თავდასხმა განახორციელა.
მათივე მტკიცებით, უკრაინამ თავდასხმისთვის სამი ბალისტიკური რაკეტა "ტოჩკა-უ" გამოიყენა.
უწყების ცნობით, ყველა რაკეტა გაანადგურა საჰაერო თავდაცვის სისტემებმა, მაგრამ ერთ-ერთი რაკეტის ფრაგმენტები საცხოვრებელ კორპუსს დაეცა.
"ასევე, რუსულმა საჰაერო თავდაცვის სისტემებმა გაანადგურეს კურსკისკენ მიმავალ გზაზე ასაფეთქებელი ნივთიერებებით სავსე უკრაინული Tu-143 Reis რეაქტიული უპილოტო საფრენი აპარატი", - განაცხადა ბრიფინგზე რუსეთის თავდაცვის სამინისტროს სპიკერმა იგორ კონაშენკოვმა.
მისი თქმით, სარაკეტო შეტევა "მიზანმიმართულად იყო დაგეგმილი და განხორციელებული რუსეთის ქალაქების მშვიდობიანი მშვიდობიანი მოსახლეობის წინააღმდეგ".
უკრაინულ მხარეს ბრალდებებზე ჯერ კომენტარი არ გაუკეთებია.
