ჩეხი ექსპერტები საქართველოს რეკომენდაციებს აძლევენ. "საქსტატის" ინფორაციით, 22 ნოემბრიდან 26 ნოემბრის ჩათვლით ევროკავშირის პროგრამა TAIEX -ის ფარგლებში საქართველოს სტატისტიკის ეროვნული სამსახურის ეროვნულ ანგარიშთა განყოფილებაში სამუშაო ვიზიტით ჩეხი ექსპერტები იმყოფებოდნენ.
ექსპერტები უშუალოდ ეროვნული ანგარიშთა განყოფილების თანამშრომლებს შეხვდნენ და მათთან ერთად განიხილეს საქართველოს ეროვნული ანგარიშების წარმოებაში არსებული პრობლემები და მათი გადაჭრის გზები. განსაკუთრებული ყურადღება დაეთმო რეგიონული ანგარიშების დანერგვის მეთოდოლოგიურ და პრაქტიკულ საკითხებს, ტურიზმის სატელიტური ანგარიშების დანერგვის პერსპექტივებს.
ექსპერტებმა შეიმუშავეს მეთოდოლოგიური რეკომენდაციები, რომელთა შესრულებაც აუცილებელია რეგიონული ანგარიშების მაღალ დონეზე წარმოებისათვის. ასევე ის კონკრეტული ცვლილებები, რომლებიც უნდა შევიდეს საწარმოებისა და შინამეურნეობების რეგულარული გამოკვლევის კითხვარებში, რეგიონული ანგარიშების დანერგვის საჭიროებიდან გამომდინარე.
