"ქართული პარტია" სამართალდამცავი ორგანოებისგან 27 ნოემბერს თბილისში მომხდარი აფეთქებების სასწრაფო გამოძიებას მოითხოვს.
მათ მიერ გავრცელებული განცხადების მიხედვით, "ქართული პარტია" გმობს ძალადობის ნებისმიერ გამოვლინებას, რა მიზნითაც არ უნდა იყოს ის ნაკარნახევი.
შეგახსენებთ, რომ 27 ნოემბერს, ჯავახიშვილისა და ნონეშვილის ქუჩებზე ორი აფეთქება მოხდა, რომელიც მსხვერპლით დასრულდა. აფეთქების შედეგად დაიღუპა ერთი ადამიანი, დაშავდა რამდენიმე და ზარალი მიადგა "ლეიბორუსტული" პარტიის ოფისსა და ნონეშვილის ქუჩაზე არსებულ მაღაზიას.
