როგორც დღეს, მსოფლიო ბანკის წარმომადგენელმა კავკასიაში ასად ალამმა, საქართველოში მიმდინარე საერთაშორისო კონფერენციაზე განაცხადა, "ქვეყანას აქვს პოტენციალი, რომ გაცილებით მეტი უცხოური ინვესტიციები მოიზიდოს".

"ჩვენი აზრით, საქართველოს დიდი პოტენციალი აქვს ინვესტიციების მოზიდვის კუთხით და ჩვენ ამ პოტენციალს ძირითადად სამი მიმართულებით ვხედავთ. პირველია: ჰიდროსექტორი, რომელიც იზიდავს უცხოელ ინვესტორებს და ამ მხრივ დაინტერესება სახეზეა. მეორეა ტურიზმი - საქართველო ბუნებრივად ლამაზი ქვეყანაა და ეკოტურიზმი არის ის სეგმენტი, რომელზეც მოთხოვნა არსებობს. მესამე კი სოფლის მეურნეობა გახლავთ. მიგვაჩნია, რომ საქართველოს აქვს დიდი პოტენციალი ექსპორტის გაზრდის კუთხით", - განაცხადა მსოფლიო ბანკის წარმომადგენელმა კავკასიაში ასად ალამმა.

შეგახსენებთ, რომ სასტუმრო "რედისონ ბლუ ივერიაში" დღეს ორ დღიანი კონფერენცია გაიხსნა, რომლის ორგანიზატორებიც საერთაშორისო საფინანსო კორპორაცია, მსოფლიო ბანკი და საქართველოს მთავრობა არიან. კონფერენციაზე განიხილება საქართველოში და სხვა ქვეყნებში სამეწარმეო გარემოს გაუმჯობესების საკითხები და გატარებული რეფორმები.