საქართველოსა და ევროკავშირის ქვეყნებს შორის "ერთიანი საავიაციო სივრცის შესახებ" ხელშეკრულება გაფორმდება.
შესაბამისი ინფორმაცია ჟურნალისტებს დღეს გამართულ ტრადიციულ ბრიფინგზე საქართველოს საგარეო საქმეთა მინისტრის მოადგილე ნინო კალანდაძემ მიაწოდა.
მისივე განმარტებით, ხელმოწერის ცერემონია 2 დეკემბერს, ბრიუსელში გაიმართება და მასში ქართული მხრიდან ეკონომიკისა და მდგრადი განვითარები მინისტრი ვერა ქობალია მიიღებს მონაწილეობას.
"ხელშეკრულება ძალაში მას შემდეგ შევა, რაც ხელმომწერი ქვეყნები დოკუმენტის რატიფიცირებას მოახდენენ. "ერთიანი საჰაერო სივრცის" შესახებ ხელშეკრულების გაფორმება ქართული მხარისთვის ძალიან მნიშვნელოვანია, რადგან ეს ხელს შეუწყობს ამ სფეროში ხარისხის და მომსახურების ამაღლებას", - აღნიშნა კალანდაძემ.
