ირანის დედაქალაქ თეირანში ჰაერის დაბინძურების გამო გუშინ დაწყებით და საშუალო სკოლებში სწავლის პროცესი შეწყდა.
ირანული მედიის ცნობით, თეირანის მერის მოადგილემ აბიდ მელეკიმ განცხადება გააკეთა ჰაერის დაბინძურებისა და გატარებული ზომების შესახებ.
მან ჰაერის დაბინძურების საგანგებო სამუშაო ჯგუფის შეხვედრაზე ისაუბრა და აღნიშნა: „მტვრის შემოსვლისა და ჰაერის დაბინძურების ინდექსის ზრდით შექმნილი არაჯანსაღი პირობების გამო, დღეს თეირანის პროვინციაში ყველა სკოლა დაიხურება, მაგრამ უნივერსიტეტები და დაწესებულებები ღია დარჩება“.
ჰაერის დაბინძურების მაღალი დონის გამო, გუშინ თეირანის პროვინციაში ყველა სკოლა, დაწესებულება და უნივერსიტეტი დაიხურა.
ქალაქის ჰაერის ცირკულაციისთვის შეუფერებელი მდებარეობის და მოსახლეობის სიმჭიდროვის გარდა, ჰაერის დაბინძურების გაზრდის ფაქტორებს შორისაა ძველი მოდელის მანქანებისა და ფართოდ გამოყენებული მოტოციკლების გამონაბოლქვი.
თეირანში, რომელიც მსოფლიოში ჰაერის დაბინძურების კუთხით პირველ 3 ქალაქს შორისაა, სკოლები ამ მიზეზით ხშირად იხურება.
