რუსული ესტრადის ვარსკვლავი, მომღერალი ალა პუგაჩოვა ისრაელიდან რუსეთში დაბრუნებას 2022 წლის 1-ლი სექტემბრისთვის გეგმავს.
პუგაჩოვას თქმით, მისი ოჯახი რუსეთში სასწავლო წლის დასაწყისისთვის დაბრუნდება და მისი შვილები სკოლაში წავლენ.
"აბა როგორ! არდადეგები მთავრდება. 1-ელ სექტემბერს ბავშვები სკოლაში უნდა წავიდნენ. ახლა ისინი სწავლობენ ინტერნეტით", - განაცხადა პუგაჩოვამ კითხვის პასუხად, გეგმავს თუ არა ოჯახთან ერთად რუსეთში დაბრუნებას.
ალა პუგაჩოვამ ქმართან, მაქსიმ გალკინთან და შვილებთან ერთად, რუსეთი უკრაინაში გაჩაღებული ომის შემდეგ დატოვა. ამ ნაბიჯმა განარისხა კრემლის პროპაგანდისტები.
