რესტორნების ქსელი McDonald's რუსეთიდან გადის და თავის ბიზნესს ყიდის. ამის შესახებ ნათქვამია კომპანიის განცხადებაში.
კომპანიაში აცხადებენ, რომ რუსეთის ბაზრიდან წასვლის საბოლოო გადაწყვეტილება უკრაინაში რუსეთის მიერ გაჩაღებული ომით გამოწვეულ ჰუმანიტარულ კრიზისს უკავშირდება.
ასევე, კომპანიის განცხადებით, რუსეთში ბიზნესის შენარჩუნება არამიზანშეწოლია და არ შეესაბამება "მაკდონალდსის" ღირებულებებს. მოსალოდნელია, რომ რუსეთის ბაზრიდან წასვლით გამოწვეულმა ზიანმა, შესაძლოა, 1,2-1,4 მლრდ დოლარი შეადგინოს.
რუსეთის ბიზნესიდან გასვლის პროცესის ფარგლებში, კომპანიის რესტორნები ყვითელ ასო М-ს და სხვა ბრენდინგს ამოიღებენ. ამასთან, McDonald's-ი იტოვებს უფლებებს სავაჭრო ნიშანზე რუსეთში.
რესტორნების ქსელის მყიდველის ვინაობა უცნობია.
რუსული მედიის ინფორმაციით, McDonald's-ი რუსეთში სხვა ბრნედის ქვეშ ივნისში დაბრუნდება.
McDonald's-მა მარტში უკრაინაში რუსეთის შეჭრის ფონზე რუსეთის ტერიტორიაზე არსებული 850 რესტორანი დახურა.
კომპანია რუსეთში 32 წლის განმავლობაში მუშაობდა.