- მსოფლიო 16 მაისი 2022, 11:21
უკრაინის არმიამ საოკუპაციო ძალები ხარკოვიდან განდევნა და რუსეთის საზღვარს მიუახლოვდა
უკრაინის ტერიტორიული თავდაცვის ერთ-ერთმა ბატალიონმა ხარკოვის ოლქიდან რუსულ ჯარებს უკან დაახევინა და რუსეთთან სახელმწიფო საზღვართან მივიდა. ინფორმაციას უკრაინის თავდაცვის სამინისტრო ავრცელებს.
„უკრაინის შეიარაღებული ძალების ტერიტორიული თავდაცვის 127-ე ბრიგადის 22-ე ბატალიონმა რუსები განდევნა და სახელმწიფო საზღვართან მივიდა“, - ნათქვამია უწყების ინფომაციაში.
უკრაინის თავდაცვის სამინისტროს ფეისბუკ-გვერდზე გამოქვეყნებულია პრეზიდენტ ზელენსკისადმი სამხედროების მიმართვა. ერთ-ერთი მათგანი ამბობს, რომ 15 მაისს, რუსეთთან საზღვრამდე მივიდნენ და მათთან ერთად იმყოფებიან უკრაინელი მესაზღვრეები. "ჩვენ მოვედით, ბატონო პრეზიდენტო, ჩვენ აქ ვართ", - მიმართავს უკრაინელი სამხედრო ვოლოდიმირ ზელენსკის.
