კრემლის პროპაგანისტები, დასავლეთის მიერ სანქცირებული რუსეთის საგარეო საქმეთა სამინისტროს სპიკერი მარია ზახაროვა და „Russia Today“-ის მთავარი რედაქტორი მარგარიტა სიმონიანი ევროვიზიის მუსიკალურ კონკურსზე უკრაინის გამარჯვებაზე ქილიკობენ.
მარია ზახაროვა უკრაინელ მუსიკოსებს "ბაბა იაგას" ადარებს.
"დამეთანხმეთ, ევროვიზიაზე უკრაინის გამარჯვების გარეშე სურათი ამ ქვეყანაში მომხდართან დაკავშირებით არასრული იქნებოდა. ეროვნული კოსტიუმები და მუსიკალური ინსტრუმენტები, ორი ბაბა იაგა სიმებიანი საკრავებით, ბრეიკ-დანსი და აზოვსტალზე შეძახილები. ევროპა ტაშს უკრავს ფეხზე ადგომით. ფარდა“, - წერს პროპაგანდისტი ზახაროვა ტელეგრამის არხზე.
კრემლის პროპაგანდის ერთ-ერთი სულისჩამდგმელი მარგარიტა სიმონიანი კი აქებს სოციალური ქსელის მომხარებელს, რომელმაც უკრაინის გამარჯვებასთან დაკავშირებით აღნიშნა, რომ "მომავალ წელს ევროვიზია რუსეთში გაიმართება".
"სამაგიეროდ მომავალ წელს ევროვიზია რუსეთში გაიმართება" - ეს საუკეთესო კომენტარია მკითხველის მხრიდან, - წერს სიმონიანი.
