პულიცერის პრემიის ჟიურიმ სპეციალური ჯილდო გადასცა უკრაინელ ჟურნალისტებს, რომლებიც "გამბედაობითა და გამძლეობით" აშუქებენ რუსეთის მიერ გაჩაღებულ ომს თავიანთ სამშობლოში.
პულიცერის პრესტიჟულის პრემიის ლაურეატების ვინაობა 9 მაისს, ნიუ იორკში გამართულ ღონისძიებაზე გახდა ცნობილია.
პრემიის ოფიციალურ ვებგვერდზე გამოქვეყნებული ინფორმაციის თანახმად, სპეციალური ჯილდო უკრაინელ ჟურნალისტებს გადაეცათ სიმამაცისთვის, გამძლეობისა და მათ ქვეყანაში ვლადიმერ პუტინის უმოწყალო შეჭრის ობიექტური გაშუქების ერთგულებისთვის.
"მიუხედავად დაბომბვების, გატაცებებისა, ოკუპაციისა და მათი კოლეგების სიკვდილისა, ისინი შეუდგეკელად განაგრძობენ მცდელობებს, ასახონ საშინელი რეალობის ზუსტი სურათი", - ნათქვამია ინფორმაციაში.
პულიცერის პრემიის მთავარ ნომინაციაში "საზოგადოების სამსახური" გამოცემა The Washington Post-მა გაიმარჯვა, დონალდ ტრამპის მხარდამჭერების მიერ კაპიტოლიუმზე შტურმის გაშუქებისთვის. ჯილდოები სხვადასხვა კატეგორიაში მიენიჭათ The Miami Herald-ის, The Tampa Bay Times-ის, The New York Times-ის, Getty Images-ის, The Los Angeles Times-ის და სხვა გამოცემების ჟურნალისტებს.
პულიცერის პრემია არის ერთ-ერთი ყველაზე პრესტიჟული ჟურნალისტური ჯილდო შეერთებულ შტატებსა და მის ფარგლებს გარეთ.
პირველი პულიცერის პრემია მინიჭებულ იქნა 1917 წლის 4 ივნისს.
პრემიის ლაურეატებს ასახელებს დამოუკიდებელი საბჭო, რომლის ოფიციალურ ადმინისტრირებას ახდენს კოლუმბიის უნივერსიტეტი აშშ-ში. ჯილდო დააფუძნა გვიანდელი მე-19 საუკუნის უნგრელი წარმოშობის ჟურნალისტმა და საგაზეთო გამომცემელმა, ჯოზეფ პულიცერმა.
