ღიად ემზადებოდნენ მორიგი სადამსჯელო ოპერაციისთვის დონბასში, ჩვენ ისტორიულ მიწებზე, მათ შორის ყირიმში შეჭრისთვის, - ამის შესახებ რუსეთის პრეზიდენტმა ვლადიმირ პუტინმა წითელ მოედანზე მეორე მსოფლიო ომში გამარჯვების აღსანიშნავ ტრადიციულ აღლუმზე მიმართვისას განაცხადა.
„გასული წლის დეკემბერში ჩვენ გამოვდით წინადადებით, გაფორმებულიყო შეთანხმება უსაფრთხოების გარანტიებზე. რუსეთმა დასავლეთს პატიოსანი დიალოგისკენ მოუწოდა, გონივრული, კომრომისული გადაწყვეტილებებისკენ, ერთმანეთის ინტერესების გათვალისწინებისკენ. ყველაფერი ამაო იყო. ნატო-ს ქვეყნებმა ჩვენ არ მოგვისმინეს, მათ სრულიად სხვა გეგმები ჰქონდათ.
ღიად მიმდინარეობდა მორიგი სადამსჯელო ოპერაციისთვის მზადება დონბასში და ჩვენს ისტორიულ მიწებზე შეჭრისთვის, მათ შორის ყირიმში. კიევში აცხადებედნენ ბირთვული იარაღის შესაძლო შექმნაზე. ნატო-ს ბლოკმა აქტიურად დაიწყო ჩვენი მოსაზღვრე ტერიტორიების სამხედრო ათვისება.
ყველაფერი მეტყველებდა იმაზე, რომ ნეონაცისტებთან, ბანდერელებთან შეტაკება, რომლებზეც აშშ-მა და მისმა უმცროსმა კომპანიონებმა ფსონი დადეს, გარდაუვალი იქნებოდა. ჩვენ ვხედავდით, როგორ ვთარდებოდა სამხედრო ინფრაქსტრუქტურა, ხდებოდა ნატო-ს ქვეყნებიდან ყველაზე თანამედროვე იარაღის მიწოდება.
საფრთხე ყოველ დღე იზრდებოდა. რუსეთმა აგრესიას წინმსწრები პასუხი გასცა. ეს იყო იძულებითი, დროული და ერთდაერთი სწორი გადაწყვეტილება - სუვერენული, ძლიერი, დამოუკიდებელი ქვეყნის გადაწყეტილება", - განაცხადა პუტინმა.
მოსკოვში, წითელ მოედანზე გამართული სამხედრო აღლუმი უკვე დასრულდა. რუსეთის თავდაცვის სამინისტროს ინფორმაციით, აღლუმში მონაწილეობა მიიღო 11 ათასამდე სამხედრომ. დაგეგმილი იყო წითელ მოედანზე რუსეთის შეიარაღებული ძალების სამხედრო თვითმფრინავებისა და სტრატეგიული ბომბდამშენების გადაფრენა, თუმცა "უამინდობის გამო", ეს გეგმა ჩაიშალა.
