ბელარუსის არმიაში სახმელეთო და საჰაერო რეაგირების ძალების მოულოდნელი შემოწმება დაიწყო.
ბელარუსის სახელმწიფო სააგენტო "ბელტას" ინფორმაციით, "შემოწმების დროს სამხედრო ნაწილებმა და ქვედანაყოფებმა უნდა შეიმუშაონ საბრძოლო მზადყოფნაში მოყვანის საკითხები, დანიშნულების ადგილებამდე მსვლელობა და სასწავლო-საბრძოლო ამოცანების შესრულება".
თავდაცვის სამინისტროს განცხადებით, შემოწმების მიზანია, შეაფასოს პირადი შემადგენლობის მზადყოფნა და შესაძლო კრიზისულ ვითარებაზე სწრაფი რეგირების უნარი.
თავდაცვის უწყება ირწმუნება, რომ აღნიშნული ზომები არ შეუქმნის საფრთხეს არც მთლიანად ევროპულ საზოგადოებას და არც მეზობელ ქვეყნებს.
მოულოდნელი შემოწმების შესახებ ინფორმაციის გავრცელებამდე ცნობილი გახდა, რომ 3 მაისს ბელარუსის პრეზიდენტი ლუკაშენკა თავის რუს კოლეგას ტელეფონით ესაუბრა.
