აშშ-ის შეიარაღებული ძალების შტაბების მეთაურთა კომიტეტის თავმჯდომარე, გენერალი მარკ მილი აცხადებს, რომ უკრაინაში რუსეთის შეჭრის გამო, ევროპა და შესაძლოა მსოფლიოც ათწლეულების განმავლობაში მშვიდობისა და უსაფრთხოებისთვის ყველაზე დიდი საფრთხის მომსწრეა.
"რუსეთის შეჭრა უკრაინაში საფრთხეს უქადის არა მხოლოდ ევროპის მშვიდობასა და სტაბილურობას, არამედ გლობალურ მშვიდობასა და სტაბილურობასაც, რომლის დასაცავად ჩემი მშობლები და ამერიკელთა თაობები ასე იბრძოდნენ", - აღნიშნა გენერალმა.
მილის თქმით, აშშ იმყოფება ძალიან კრიტიკულ და ისტორიულ გეო-სტრატეგიული გადახრის წერტილში, სადაც ქვეყნის არმიამ ერთდროულად უნდა შეინარჩუნოს, როგორც მზადყოფნა, ასევე მოდერნიზება სამომავლოდ.
მარკ მილიმ ხაზგასმით აღნიშნა, რომ მსოფლიო უფრო არასტაბილური ხდება.
"დიდ სახელმწიფოებს შორის მნიშვნელოვანი საერთაშორისო კონფლიქტის პოტენციალი იზრდება და არა მცირდება", - განაცხადა მან.
