საერთაშორისო ორგანიზაციის "რეპორტიორები საზღვრებს გარეშე" 2022 წლის წლის პრესის თავისუფლების ინდექსში საქართველოს მდგომარეობა 29 პუნქტით გაუარესდა.

ინდექსის თანახმად, საქართველო 59.30 ქულით, 180 ქვეყანას შორის 89-ე ადგილზე მოხვდა. 2021 წელს მედიის თავისუფლების ინდექსით საქართველო მე-60 ადგილზე იყო და 71,36 ქულა ჰქონდა მინიჭებული.

საერთაშორისო ორგანიზაცია სხვადასხვა ქვეყანაში პრესის თავისუფლების მდგომარეობას 5 ინდიკატორის მეშვეობით აფასებს - პოლიტიკური, ეკონომიკური, კანონმდებლობა, სოციალური ინდიკატორი და უსაფრთხოება.

საქართველოსთვის მინიჭებული ქულები თითეულ შემთხვევაში ასე ნაწილდება:

პოლიტიკური - 52.42 ქულა

სამართლებრივი - 80.79

ეკონომიკური - 46.43

სოციალური - 75.50

უსაფრთხოების კონტექსტები - 41.34

თითოეული ქვეყნისთვის მინიჭებული ქულა შემდეგნაირად კლასიფიცირდება:

85-100 ქულა - კარგი

70-85 ქულა - დამაკმაყოფილებელი

55-70 ქულა - პრობლემური

40-55 ქულა - რთული

0-40 ქულა - ძალიან სერიოზული

მედიის თავისუფლების ინდექსის პირველ ათეულში არიან: ნორვეგია, დანია, შვედეთი, ესტონეთი, ფინეთი, ირლანდია, პორტუგალია, კოსტა რიკა, ლიეტუვა, ლიხტენშტეინი.