შარშანდელთან შედარებით, საგადასახადო ადმინისტრირების ტვირთი საგრძნობადაა შემცირებული, _ ამის შესახებ განცხადება ფინანსთა მინისტრმა კახა ბაინდურაშვილმა დღეს ფინანსთა სამინისტროში გამართულ ბრიფინგზე გააკეთა.
ბანდურაშვილმა ამის დასტურად ის სტატისტუკური მონაცემები დაასახელა, რაც საკონტროლო შესყიდვებისა და შემდგომ გამოვლენილი დარღვევების შედეგად გამოიკვეთა.
მინისტრის ინფორმაციით, საკონტროლო შესყიდვების შედეგად გამოვლენილმა დარღვევებმა და დაჯარმებმა 2009 წლის 10 თვეში 60 %ი შეადგინა, ხოლო 2010 წლის თვეში დაჯარიმებები 10 %-მდეა დასული.
"სხვადასხვა ინიციატივებსა და ეკონომიკური გაჯანსაღების შედეგად გადასახადის გადახდის კულტურა უკეთესად ჩამოყალიბდა და ჩვენ გადასახადების მობილიზებისათვის ნაკლები ადმინისტრირების გატარება გვჭირდება. ბუნებრივია, რაც უფრო ნაკლებია შემოწმებულ მეწარმეებს შორის დაჯარიმებულ მეწარმეთა რაოდენობა, ეს ნიშნავს, რომ გასატარებელი საგადასახადო იძულებითი ღონისძიებები ნაკლებია.
2009 წელს 10 შემოწმებული ადამიანებიდან 6 ჯარიმდებოდა, ხოლო 2010 წელს 10 შემოწმებული ადამიანიდან მხოლოდ 1 დაჯარიდა", _ განაცხადა კახა ბაინდურაშვილმა.
ფინანსთა მინისტრი ადმინისტრირების წნეხის შემცირებას ორ ფაქტორს უკავშირებს.
"ერთია გადამხდელების მხრიან თანხების ნებაყოფლობითი გადახდა და მერე შემოსავების სამსახურის მხრიდან ბიზნესისათვის დამატებითი სერვისებისა და სხვადასახა ტიპს სიახლეების შეთავაზება, რამაც გადამხდელების სახელმწიფოსთან ურთიერთობა გაუმარტივა", _ განაცხადა ბაინდურაშვილმა.