არაოფიციალური ინფორმაციით, რუსეთმა პოლონეთს გაზის მიწოდება შეუწყვიტა. აღნიშნული გადაწყვეტილების სავარაუდო მიზეზი პოლონეთის მხრიდან გაზის საფასურის რუბლებში გადახდაზე უარის თქმაა.
ამის შესახებ პოლონური მედიასაშუალებები Polsat News და RMF24 იუწყებიან.
გაზის მიწოდების შეწყვეტასთან დაკავშირებით პოლონეთის კლიმატისა და გარემოს დაცვის სამინისტროში შეხვედრა დაინიშნა.
„პოლონეთს აქვს გაზის საჭირო მარაგები და მიწოდების წყაროები, რომლებიც იცავენ ჩვენს უსაფრთხოებას - ჩვენ ფაქტობრივად რუსეთისგან დამოუკიდებლები ვიყავით მრავალი წლის გამავლობაში. ჩვენი საცავები 76 პროცენტით არის შევსებული“, - წერს კლიმატისა და გარემოს დაცვის მინისტრი ანა მოსკვა Twitter-ზე.
როგორც RMF24 აღნიშნავს, ჯერ გაურკვეველია შეწყვეტის მიზეზი ტექნიკურია თუ პოლიტიკური.
პორტალ Onet-ის ცნობით, გასულ პარასკევს პოლონეთშიგაზის რუსულ ვალუტაში გადახდის ვადა ამოიწურა. პოლონურმა ოპერატორმა PGNiG-მა არაერთხელ განაცხადა, რომ რუბლებში გადახდას არ აპირებს, ვინაიდან კონტრაქტი ამას არ ითვალისწინებს.
