მოძრაობა „თალიბანის“ განცხადებით, სულ მცირე 33 ადამიანი დაიღუპა ავღანეთში ყუნდუზის პროვინციაში მდებარე მეჩეთში.
დაშავდა კიდევ 43 ადამიანი დაღუპულთა შორის არიან ბავშვებიც.
თალიბების წარმომადგენელი ზაბიულა მუჯაჰიდი Twitter-ზე წერს, რომ მოძარობა გმობს ამ დანაშაულს და უსამძიმრებს დაღუპულების ოჯახებს. ამასთან ის პირობას დებს, რომ დამნაშავეები სრული სიმკაცრით აგებენ პასუხს.
მომხდარზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია საკუთარ თავზე.
