#8 პენიტენციურ დაწესებულებაში მსჯავრდებულებმა მარწყვის ნერგები პირველად დარგეს. წელს, ნაკვეთზე არსებულ სხვადასხვა სახეობის ბოსტნეულსა და ხილს მარწყვის ერთ-ერთი სახეობა სან ანდრეასიც შეემატა. იუწყება იუსტიციის სამინისტრო.
უწყების ინფორმაციით, ნაკვეთზე მიმდინარე საგაზაფხულო სამუშაოებს იუსტიციის მინისტრის მოადგილე ბუბა ლომუაშვილი, სოფლის მეურნეობის მინისტრის პირველი მოადგილე გელა ხანიშვილი და მსჯავრდებულთა პროფესიული მომზადებისა და გადამზადების ცენტრის დირექტორი თამთა დემურიშვილი დაესწრნენ.
"შპს "მაგალის" მიერ საჩუქრად გადმოცემული მარწყვის ნერგებით, წელს მსჯავრდებულები დაახლოებით, 1 ტონა მოსავალს ელოდებიან.
სასოფლო-სამეურნეო პროექტს, მსჯავრდებულთა პროფესიული მომზადებისა და გადამზადების ცენტრი 2020 წლიდან ახორციელებს. ამ პერიოდში, მსჯავრდებულებმა სოფლის მეურნეობის სფეროში ცოდნა კიდევ უფრო გაიღრმავეს და გარემოსდაცვითი ინფორმაციისა და განათლების ცენტრთან თანამშრომლობით, აგრარული მიმართულებით ტრენინგ კურსებიც გაიარეს", - ნათქვამია გავრცელებულ ინფორმაციაში.
