"მსოფლიოს არც ერთ ქალაქში მუნიციპალური ტრანსპორტი მომგებიანი არ არის. პირიქით, შესაბამის ხარჯებს მოსახლეობისთვის მერია გამოყოფს. თბილისის მთავრობას კი, სურს ტრანსპორტმა თავისი თავი შეინახოს და მეტიც, მომგებიან ბიზნესად აქციოს. ეს იმ ფონზე, როცა ქვეყანაში ისედაც მძიმე სოციალური ფონია, ბოროტებაა", - განუცხადა აბაშიძემ "ჯი-ეიჩ-ენს".

მისივე განმარტებით, წყლის ტარიფისა და მგავრობის საფასურის გაზრდა მოსახლეობის ისედაც მძიმე მატერიალურ მდგომარეობას კიდევ უფრო დაამძიმებს, რის გამოც, მისი ფრაქცია ამ საკითხზე საკრებულოში სერიოზულ მსჯელობას აპირებს.

"საკრებულოში ამ საკითხზე გვექნება სერიოზული მსჯელობა. ვინაიდან, იქ ოპოზიცია უმცირესობაში იმყოფება და ამ გადაწყვეტილებას ვერ დავბლოკავთ, პროტესტის სხვა ფორმებს მივმართავთ, მათ შორის აქციებსაც. შთაბეჭდილება მრჩება, რომ ხელისუფლება შეგნებულად ახდენს ხალხის პროვოცირებას და მოვუწოდებ მას, ცოტა გონივრული გადაწყვეტილებები მიიღოს", - განმარტა აბაშიძემ.

შეგახსენებთ, რომ წყლის საფასური ერთ სულ მოსახლეზე 3,15 თეთრამდე, მუნიციპალური ტრანსპორტით მგზავრობა კი 10 თეთრით ძვირდება.