საქართველოსა და ევროკავშირს შორის თავისუფალი ვაჭრობის ხელშეკრულებაზე მუშაობა მორიგ ეტაპზე 2011 წლის პირველ ნახევრიდან გადავა.
როგორც დღეს ევროპასთან ინტეგრაციის კომიტეტის სხდომაზე საგარეო ურთიერთობათა საკითხებში პრემიერ მინისტრის მრჩეველთა ჯგუფის უფროსმა, პრემიერ-მინისტრის მთავარმა მრჩეველმა თამარ კოვზირიძემ განაცხადა, საქართველომ ევროკავშირის მოთხოვნები დააკმაყოფილა და შესაბამისად საქართველო მზადაა ევროკავშირთან თავისუფალი ვაჭრობის გაფორმებაზე მოლაპარაკებების მორიგი რაუნდი დაიწყოს.
კოვზირიძის განმარტებით, ეს მოლაპარაკებები სავარაუდოდ 2011 წლის პირველ ნახევარში დაიწყება და ევროკავშირსა და საქართველოს შორის ხელშეკრულების გაფორმებას მაქსიმუმ 3 წელი დასჭირდება.
თუმცა, როგორც კომიტეტის სხდომაზე კოვზირიძემ განაცხადა, საქართველოს მთავრობას იმედი აქვს რომ ხელშეკრულების გაფორმება შესაძლოა ორი წლის განმავლობაშიც მოხერხდეს.
"ღრმა და ყოვლისმომცველი თავისუფალი ვაჭრობის შეთანხმებასთან დაკავშირებით მოლაპარაკების დაწყებისთვის საქართველო მზარ არის, ვინაიდან საქართველოს მთავრობამ სრულად შეასრულა ევროკომისიის რეკომენდაციები ყველა სფეროში. უფრო მეტიც, საქართველოს მთავრობამ მოახერხა ღრმა და ყოვლისმომცველი თავისუფალი ვაჭრობის შეთანხმებასთან დაკავშირებულ რამდენიმე სფეროში ევროკომისიის რეკომენდაციაზე მეტი შესრულებინა და შესაბამისად ინპლიმენტაციის აზაც დაეწყო. აღნიშნულთან დაკავშირებით დეტალური ინფორმაცია საქართველოს პრემიერ მინისტრმა ევროკომისიას უკვე გადაუგზავნა", - განაცხადა თამარ კოვზირიძემ.
მისი განმარტებით, ევროკომისიის იმერ 4 სფერო დასახელდა საკვანძოდ და განხორციელებული რეფორმებისა და ქმედებების Eდეგად საქართველოს მთავრობამ ოთხივე რეკომენდაცია აღასრულა.
ვაჭრობის ტექნიკიურ ბარიერებთან დაკავშირებით ძირითადი რეკომენდაცია იყო სტანდარტიზაციის, აკრედიტაციის, შესაბამისობის შეფასების, ტექნიკური რეგლამენტებისა და მეტროლოგიის სფეროში სამთავრობო პროგრამის მომზადება.
როგორც კოვზირიძემ განაცხადა, საქართველოს მთავრობამ უკვე შეიმუშავა აღნიშნული სამთავრობო პროგრამა, რომელიც მთავრობის განკარგულებით უკვე დამტკიცდა.
უნდა აღინიშნოს, რომ ევროკომისიის რეკომენდაციის თანახმად, ღრმა და ყოვლისმომცველი თავისუფალი ვაჭრობის შეთანხმებასთან დაკავშირებით მოლაპარაკებების დაწყების შემდეგ საქართველოს მთავრობას უნდა მოემზადებინა ყოვლისმომცველი სტრატეგია, თუმცა მთავრობამ ეს სტრატეგია უკვე შეიმუშავა და დაამტკიცა კიდეც.
როგორც თამარ კოვზირიძემ განაცხადა ევროკომისიის ერთ ერთი რეკომენდაცია სურსათის უვნებლობას უკავშირდებოდა და ევროკომისიის რეკომენდაცია იყო სურსათის სფეროში ყოვლისმომცვლელი სტრატეგიის მოზადება. საქართველოს მთავრობამ სამთავრობო პროგრამა უკვე შეიმუშავა და აღნიშნულ სფეროსთან დაკავშირებით ევროკომისიის მეორე რეკომენდაცია, რომელიც სურსათის უვნებლობის, კანონმდებლობის, შეჩერებული მუხლების ამოქმედებას უკავშირდებოდა უკვე დაიწყო.
"ეს რეკომენდაციაც გათვალისწინებულ იქნა ასქართველოს მთავრობის მიერ. კერძოდ, 2010 წლის პირველი ივლისიდან დაიწყო ევროკავშირში საექსპორტო პროდუქციის კონტროლი, ხოლო ყველა სხვა დანარჩენ პროდუქტებზე სახელმწიფო კონტროლი 2011 წლიდან განხორციელდება" - განაცხადა კოვზირიძემ.
პრემიერ მინისტრის მთავარი მრჩეველს განმარტებით, ევროკავშირს რეკომენდაციები ჰქონდა ინტელექტუალური საკუთრების უფლების სფეროსთან დაკავშირებითაც. ევროკომისიის რეკომენდაცია იყო საქართველოს მოემზადებინა კვლევა რომელიც ასქართველოს მთავრობამ 2010 წლის გაზაფხულზე უკვე დაასრულა. გარდა ამისა, ევროკომისიის რეკომენდაციის თანახმად, საქართველოს მთავრობამ შეიმუშავა და მიიღო კანონი "დიზაინის შესახებ", რომელიც ევროკავშირის სტანდარტებთან სრულ შესაბამისობაშია.
"კონკურენციის სფეროში ევროკომისიის რეკომენდაციის თანახმად უნდა შექმნილიყო ყოვლისმომცვლელი სტრატეგია, რომელიც საქართველოს მთვრობის მიერ მომზადდა და დამტკიცდა" - განაცხადა პრემიერ მინისტრის მთავარმა მრჩეველმა თამარ კოვზირიძემ.
გარდა ამისა ევროკომისიის რეკომენდაციის თანახმად უნდა მომხდარიყო თავისუფალი ვაჭრობისა და კონკურენციის სააგენტოს ინსტიტუციურად დამოუკიდებელ ორგანოდ გარდაქმნა. აღნიშნული რეკომენდაცია შესრულებულია ვინაიდან თავისუფალი ვაჭრობისა და კონკურენციის სააგენტო საჯარო სამართლის იურიდიულ პირად გარდაიქმნა.
ევროკომისიის რეკომენდაციის თანახმად სამომავლოდ უნდა მოხდეს კონკურენციის შესახებ ახალი კანონის შემუშავება, რაზეც მუშაობა ამ დროისათვის მიმდინარეობს.