იანვარ-ოქტომბერში საქართველოს საგარეო სავაჭრო ბრუნვამ ევროკავშირის ქვეყნებთან 1376 მლნ. აშშ დოლარი შეადგინა, რაც წინა წლის შესაბამის მაჩვენებელზე 11 პროცენტით მეტია. "საქსტტის" ინფორმაციით, ევროკავშირის ქვეყნებთან ექსპორტმა 235 მლნ. აშშ დოლარი (19 პროცენტით მეტი), ხოლო იმპორტმა - 1140 მლნ. აშშ დოლარი (9 პროცენტით მეტი) შეადგინა.
საქართველოს საგარეო სავაჭრო ბრუნვაში ამ ქვეყნების წილმა 26 პროცენტი შეადგინა, მათ შორის ექსპორტში 19 პროცენტი და იმპორტში 28 პროცენტი. (2009 წლის იანვაროქტომბერში - შესაბამისად 28, 21 და 30 პროცენტი). ამ ქვეყნებზე მოდიოდა სავაჭრო დეფიციტის 33 პროცენტი (2009 წლის იანვარ-ოქტომბერში ასევე - 33 პროცენტი).
2010 წლის იანვარ-ოქტომბერში საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 5230 მლნ. აშშ დოლარი შეადგინა, რაც წინა წლის ანალოგიურ მაჩვენებელზე 18 პროცენტით მეტია. "საქსტატის" ინფორაციით, მთლიან საგარეო სააჭრო ბრუნვაში ექსპორტმა 1228 მლნ. აშშ დოლარი (33 პროცენტით მეტი), ხოლო იმპორტმა - 4003 მლნ. აშშ დოლარი (14 პროცენტით მეტი) შეადგინა. საქართველოს უარყოფითმა სავაჭრო ბალანსმა 2010 წლის იანვარ-ოქტომბერში 2775 მლნ. აშშ დოლარი შეადგინა (7 პროცენტით მეტი).
2010 წლის იანვარ-ოქტომბერში 2008 წლის ანალოგიურ პერიოდთან შედარებით საგარეო სავაჭრო ბრუნვა 22 პროცენტით, ექსპორტი 9 პროცენტით, ხოლო იმპორტი 25 პროცენტით შემცირდა. რაც შეეხება უარყოფით სავაჭრო ბალანსს, 2010 წლის იანვარ-ოქტომბერში 31 პროცენტით ნაკლები დაფიქსირდა, ვიდრე 2008 წლის შესაბამის პერიოდში.