უმსხვილესი საიმპორტო სასაქონლო ჯგუფი 2010 წლის იანვარ-ოქტომბერში ნავთობი და ნავთობპროდუქტები იყო 540 მლნ. აშშ დოლარით, რომლის წილმა იმპორტში 14 პროცენტი შეადგინა.
მეორე ადგილზეა მსუბუქი ავტომობილების სასაქონლო ჯგუფი 259 მლნ. აშშ დოლარით, რაც იმპორტის 7 პროცენტს შეადგენს. მესამე ადგილზე კვლავ სამკურნალო საშუალებების ჯგუფის იმპორტია 149 მლნ. აშშ დოლარით, რომლის წილმა იმპორტში 4 პროცენტი შეადგინა.
შეახსენებთ, რომ 2010 წლის იანვარ-ოქტომბერში საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 5230 მლნ. აშშ დოლარი შეადგინა, რაც წინა წლის ანალოგიურ მაჩვენებელზე 18 პროცენტით მეტია. "საქსტატის" ინფორაციით, მთლიან საგარეო სააჭრო ბრუნვაში ექსპორტმა 1228 მლნ. აშშ დოლარი (33 პროცენტით მეტი), ხოლო იმპორტმა - 4003 მლნ. აშშ დოლარი (14 პროცენტით მეტი) შეადგინა. საქართველოს უარყოფითმა სავაჭრო ბალანსმა 2010 წლის იანვარ-ოქტომბერში 2775 მლნ. აშშ დოლარი შეადგინა (7 პროცენტით მეტი).
2010 წლის იანვარ-ოქტომბერში 2008 წლის ანალოგიურ პერიოდთან შედარებით საგარეო სავაჭრო ბრუნვა 22 პროცენტით, ექსპორტი 9 პროცენტით, ხოლო იმპორტი 25 პროცენტით შემცირდა. რაც შეეხება უარყოფით სავაჭრო ბალანსს, 2010 წლის იანვარ-ოქტომბერში 31 პროცენტით ნაკლები დაფიქსირდა, ვიდრე 2008 წლის შესაბამის პერიოდში.