უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი აცხადებს, რომ უკრაინასთან მოლაპარაკებებზე რუსეთის პოზიცია შერბილდა.
"უნიანის" ინფორმაციით, ამის შესახებ პოდოლიაკმა პოლონურ მედიასთან განაცხადა.
"ისინი სრულად აცნობიერებენ სირთულეებს, რომელთა წინაშეც აღმოჩნდნენ. მთელმა მსოფლიომ დაინახა, რომ სიძლიერით მეორე არმია იძულებულია დახმარება სთხოვოს ჩინეთს, ბელარუსს, ყაზახეთსა და ყირგიზეთს, იმიტომ რომ შეეჯახა უკრაინის წინააღმდეგობას, რომელიც სხვათა შორის, არასდროს ყოფილა მილიტარული სახელმწიფო. რუსეთის უძლეველობის მითი დაიმსხვრა", - განაცხადა პოდოლიაკმა.
მისი თქმით, ცხადია, რომ ამგვარ სიტუაციაში უკრაინა გაუმაძღრ კომპორმისებს არ დათანხმდება, რომელიც დააზიანებს უკრაინის ინტერესებს.
"უკრაინულ საზოგადოებას ასეთი გადაწყვეტილება არ სურს. ადამიანები ბრძოლის ველზე იღუპებიან და ჩვენ რუსეთის პრეტენზიებს არ მოვისმენთ," - აღნიშნა პოდოლიაკმა.