Wall Street Journal-ის ინფორმაციით, ევროკავშირი სანქციებს უწესებს რუსეთის თავდაცვის მინისტრს სერგეი შოიგუს, რუსეთის პრეზიდენტის ადმინისტრაციის ხელმძღვანელს ანტონ ვაინოს, რუსეთის საგარეო საქმეთა სამინისტროს ოფიციალურ წარმომადგენელს მარია ზახაროვას და VEB Bank -ის ხელმძღვანელს იგორ შუვალიოვს.
გამოცემისვე ინფორმაციით, სანქცირებულთა შორის იქნებიან მაღალი რანგის სამხედრო პირები.
ამის გარდა, ევროკაშირი 20-მდე პირის მიმართ წერტილოვან სანქციებს დააწესებს.
დღეს ძალაში შევა ევროკაშირის სანქციები რუსეთის წინააღმდეგ. ძალაში შესვლამდე სანქციათა პაკეტი ევროკავშირის საბჭომ უნდა დაამტკიცოს. ამის შემდეგ, გასაჯაროვდება დეტალები, თუ კონკრეტულად ვის მიემართება შეზღუდვები.
მანამდე, საგარეო პოლიტიკისა და უსაფრთხოების საკითხებში ვროკავშირის უმაღლესმა წარმომადგენელმა ჟოზეპ ბორელმა განაცხადა, რომ სანქციები დაუწესდებათ რუსეთის დუმის 351 დეპუტატსა და 27 ფიზიკურ და იურიდიულ პირს.
