საფრანგეთის საგარეო საქმეთა მინისტრმა ჟან-ივ ლე დრიანმა განაცხადა, რომ მისი შეხვედრა რუს კოლეგა სერგეი ლავროვთან, რომელიც პარიზში 25 თებერვალს იყო დაგეგმილი, არ შედგება.
"გუშინ ჩვენ გვქონდა საუბარი ლავროვთან. შეხვედრა პარასკევს იყო დაგეგმილი... მაგრამ ეს არ გაიმართება", - განაცხადა მინისტრმა ბრიუსელში, ევროკავშირის საგარეო საქმეთა მინისტრების შეხვედრის შემდეგ.
21 თებერვალს ლე დრიანმა განაცხადა, რომ ლავროვი პარიზში 25 თებერვალს რუსეთ-აშშ სამიტის მოსამზადებელ კონსულტაციებზე მიიწვია, რაზედაც ის დათანხმდა.
შეხვედრის გაუქმების ზუსტი მიზეზი ფრანგ დიპლომატს არ დაუკონკრეტებია.
