გაეროს გენერალური მდივანი ანტონიო გუტერეში მიიჩნევს, რომ რუსეთმა სეპარატისტული ლუგანსკისა და დონეცკის რესპუბლიკების აღიარებით, უკრაინის ტერიტორიული მთლიანობა და სუვერენიტეტი დაარღვია. აცხადებს გაეროს გენერალური მდივნის პრესსპიკერი.
"გაერო, გენერალური ასამბლეის შესაბამისი რეზოლუციების გათვალისწინებით, კვლავ უჭერს მხარს უკრაინის სუვერენიტეტს, დამოუკიდებლობას და ტერიტორიულ მთლიანობას მის საერთაშორისოდ აღიარებულ საზღვრებში", - თქვა გაეროს სპიკერმა სტეფან დუჟარიკმა.
ცოტა ხნის წინ, რუსეთმა დონეცკისა და ლუგანსკის ე.წ. სახალხო რესპუბლიკების დამოუკიდებლობა აღიარა.
