საფრანგეთის პრეზიდენტი ემანუელ მაკრონი მკაცრად გმობს რუსეთის გადაწყვეტილებას სეპარატისტული დონეცკისა და ლუგანსკის რესპუბლიკების დამოუკიდებლობის აღიარების თაობაზე.
ამავდროულად, პრეზიდენტი მაკრონი აღნიშნულ საკითხთან დაკავშირებით, გაეროს უშიშროების საბჭოს საგანგებოს სხდომის მოწვევას ითხოვს.
"აღმოსავლეთ უკრაინაში სეპარატისტული რეგიონების აღიარებით, რუსეთი არღვევს თავის ვალდებულებებს და ძირს უთხრის უკრაინის სუვერენიტეტს. ვგმობ ამ გადაწყვეტილებას. მე მოვითხოვე გაეროს უშიშროების საბჭოს საგანგებო სხდომა და ევროპული სანქციები“, - განაცხადა ემანუელ მაკრონმა.
