ევროპის ქვეყნებს ქარიშხალი "იუნისი" დაატყდა თავს, რომელმაც ბოლო მონაცემებით, 16 ადამიანი იმსხვერპლა.
BBC News-ის ინფორმაციით, 4 ადამიანი დაიღუპა ნიდერლანდებში, 4 - პოლონეთში, 3 - ბრიტანეთში, გერმანიასა და ბელგიაში - 2, ხოლო ერთი ადამიანი ირლანდიაში.
ადამიანების სასიკვდილოდ დაშავება ქარიშხლისგან მოგლეჯილმა ხეებმა და სამშენებლო კონსტრუქციებმა გამოიწვიეს.
Euronews-ის ცნობით, ქარიშხალი ირლანდიიდან დიდ ბრიტანეთში გადავიდა, შემდეგ ჩრდილოეთ საფრანგეთისა და ბენილუქსის (ბელგია, ნიდერლანდები, ლუქსემბურგი) ქვეყნების გავლით დანიასა და გერმანიას დაატყდა თავს.
ქარიშხალი განსაკუთრებულად მძვინვარებდა დიდ ბრიტანეთში, ქვეყნის ზოგიერთ ნაწილში განგაშის უმაღლესი დონე იყო გამოცხადებული.
Sky News-ის ცნობით, პარასკევს ქარიშხლის გამო დიდ ბრიტანეთში 1,2 მილიონი ადამიანი ელექტროენერგიის გარეშე დარჩა, მათგან 155 000-ს ელექტროენერგიის აღდგენა ჯერ კიდევ ელის.
The Guardian-ი იტყობინება, რომ ბრიტანეთის უდიდესი აეროპორტები, ჰითროუს, გეტვიკისა და მანჩესტერის აეროპორტები მუშაობას განაახლებენ. მანამდე, რთლი ამინდის გამო, 500-ზე მეტი რეისი გაუქმდა.
