ხვალ, 24 ნოემბერს, ნაძალადევის რაიონის ქუჩებს წყლის მიწოდება შეეზღუდება.
"ჯორჯიან უოთერ ენდ ფაუერის" ინფორმაციით, წყლის მიწოდების შეფერხების მიზეზი ნაძალადევის რაიონში, ლომთათიძის ქუჩაზე გამავალ წყალსადენის ქსელზე დაგეგმილი სარეაბილიტაციო სამუშაოებია.
ამ მიზნით, 24 ნოემბერს, 11:00-დან 24:00 საათამდე წყალმომარაგება შეუწყდება:
ცოტნე დადიანის, მანჯგალაძის, ჭყონდიდელის, თორნიკე ერისთავის, ზესტაფონის, ღრმაღელის, მექანიზაციის, ცისარტყელას, მრევლიშვილის, ლომთათიძის, ერწოს, ხევისუბნის, არალეთის, ახალდაბის, კვერნაულისა და მათ მიმდებარე ქუჩებს, გურამიშვილის გამზირს, სანზონამდე.
წყალსადენის ქსელის სარეაბილიტაციო სამუშაოების ჩატარებას "ჯორჯიან უოთერ ენდ ფაუერის" ტექნიკური ბრიგადები 24 ნოემბერს, დილიდან შეუდგებიან.
