შეერთებული შტატების სახელმწიფო დეპარტამენტმა ნებართვა გასცა პოლონეთისთვის 250 ერთეული საბრძოლო ტანკის M1A2 Abrams-ის და მასთან დაკავშირებული აღჭურვილობის მიყიდვის თაობაზე.
როგორც იუწყებიან შესყიდვის სავარაუდო ღირებულება 6 მილიარდი დოლარია.
სახელმწიფო დეპარტამენტის ცნობით, პენტაგონმა აღნიშნული შესყიდვის თაობაზე კონგრესს შეატყობინა და ყველა საჭირო დოკუმენტი გადასცა.
ვაშინგტონი მიიჩნევს, რომ სამხედრო ტექნიკა გაზრდის პოლონეთის შესაძლებლობებს, უპასუხოს მიმდინარე და სამომავლო საფრთხეებს.
ტანკების პოლონეთისთვის მიყიდვის შესახებ ინფორმაცია პოლონეთში ვიზიტით მყოფმა აშშ-ის თავდაცვის მდივანმა ლოიდ ოსტინმაც დაადასტურა.
ოსტინის განცხადებით, ამჟამად, ვაშინგტონი და ვარშავა ტანკების მიწოდების გრაფიკის საკითხს განიხილავენ.
